Dieses Jahr hatten wir durch die exzellente Teamarbeit die Kapazität den Trailer fürs Filme für die Erde Festival 2015 auszubauen. Miriam Hetzel, unsere Praktikantin für Multimedia hatte sich Zeit genommen für Konzept, Regie und Produktion eines Rap-Clips mit den beiden fähigen Rappern MC Martini und MC Allain von IMMUN Rap. Gewürzt mit Bildern unserer Hauptfilme entstand der beste und bisjetzt meist geteilte Festival-Trailer den wir bisjetzt haben durften.
Wer gerne mitliest, unten stehen die originellen Texte der beiden Künstler.
Mein persönlicher Favorit ist dabei “spick mi wäg da, spick mi furt vo hie.” 🙂
##################
Konzept, Regie und Schnitt: Miriam Hetzel
MUSIK
Track-Titel: Liecht & Schatte
Rap/Beat: IMMUN (MC Allain, MC Martini)
Recording: Sonar Sound (Philipp Erdin)
Mix/Mastering: finemastering (Jan Ohlhorst)
GRAFIK
Marcel Nüesch
VIDEO-PRODUKTION
Kamera, Editing und Schnitt: MKR Productions Martin Reutimann
Requisiten: Kai Pulfer und Céline Müller
LOCATION
eine Tiefgarage im Zürich Seefeld…
Copyright: Filme für die Erde 2015
########################
IMMUN «Liecht & Schatte» 2015
Ich verzell dir en Gschicht,
en Gschicht us dim Läbe,
ohni Storyboard,
ohni Träne us Hollywood,
en Realität wo niemerd würkli wot,
Blick hinter Kulisse wie bi Doku-Soaps.
Euses Liecht wirft Schatte, ob mir wänd oder nöd,
schaffet Zämehäng, wo mir im Nachhinein gsend.
Mir wänd chic si, Trends us Paris,
shoppe, Ichaufsmeile, euses Paradies.
Stürmet Läde für Chleider, für kei Stutz,
doch wele Mänsch bezahlt, für de chlinschti Pries?
Mir hettet dWahl, chaufet wahllos druflos,
solang im Trend bisch, paltisch dini Balance.
A dim Fast Fashion Shirt chläbt Chemie,
es schmöckt nach Chinderschweiss, Hungerlohn-Industrie.
Es isch de Kontrast und ihri Gschichte,
d’Chehrsite betrifft all Gsellschaftsschichte.
Ich zeig dir Bilder, mach dir es Bild devo.
Bild dir dini Meinig, lauf nöd devo.
Lueg de Film vom Läbe ohni Special-Effects
En Tatsachepricht wo Emotione bewegt.
Mir läbed de Moment, läbed jetzt und da,
schaffet täglich härd, ich muess Ferie ha.
Buech de Sunneschi im Internet per Klick,
d’Bestätigung Oversea, im nächschte Augenblick.
Voll Vorfreud, dass ich mich verzieh,
spick mi wäg da, spick mi furt vo hie.
A karibische Stränd stiegt de Wasserstand,
und bi mir stiegt d’Stimmig mit em Drink i de Hand.
Mis Glace schmilzt a tropischer Hitz
und glichzitig schmelzed eusi Gletscher es biz.
Und ich hoff, dass eusi Kids nöd nur gsehnd was wänd,
damit d’Erde abchüelt und nöd witer brännt.
Ich zeig dir Bilder, mach dir es Bild devo.
Bild dir dini Meinig, lauf nöd devo.
Lueg de Film vom Läbe ohni Special-Effects
En Tatsachepricht wo Emotione bewegt.
Mir schröpfet was nötig sich,
händ s’Fleisch ufem Tisch.
Billig-Agebot, die neuschte Produkt für dich.
Mir fischet d’Meer läär,
Nachfrag – Agebot,
es isch en Tüfelschreis, wo nöd ände wott.
Chaufet sganz Jahr Frucht, wo i de Uslag sind,
händ kein blasse, wänn d’Saison dävo beginnt.
Doch das isch egal, hauptsach Uswahl.
Wänn nötig mit Pestizid, eifach kei Befall.
Riese Transportwäg für Standardprodukt,
solang de Pries stimmt, macht das niemerd verruckt.
Das macht doch niemerdem Druck.
Ich zeig dir Bilder, mach dir es Bild devo.
Bild dir dini Meinig, lauf nöd devo.
Lueg de Film vom Läbe ohni Special-Effects
En Tatsachepricht wo Emotione bewegt.
Bisch du für de nächst Level bereit?
Mach dir es Bild vo Permakultur, Fairtrade und Nachhaltigkeit.
Schaff dir Bewusstsi, damit snöd glichgültig bliebt.
Es bisch au du da, wo die Gschicht witer schriebt.
Mach dir es Bild devo!
Laufet nöd devo!
Dänk drüber na …
Hinterlasse eine Antwort